Pro 2 | ZomZIV | STEP | Ka tapa aw, ka kammalte na san a, ka thupiakte na sungah na khol leh,

1 Ka tapa aw, ka kammalte na san a, ^a
ka thupiakte na sungah na khol leh,
2 pilna lamah na bil ngatin,
na lungsimin theihtel na sawm leh, ^b
3 thuthuk samin,
awngin theihtelna na sap leh, ^c
4 ngun bangin na zon a,
a kisel gou bangin na zon leh, ^d
5 tua ciangin TOPA kihtakna na thei pan dinga,
Pasian theihna na mu ding hi. ^e
6 Ahang in, TOPA in pilna pia-a,
a kam panin theihna le theihtelna a pusuak hi. ^f
7 Amah in a thutang mi adingin gualzawhna kholsak-a,
a kawkbaang lo-a kalsuan mi adingin lum ahi hi; ^g
8 amah in thutangte gamtatna cinga,
ama tunga muanhuaite’ lampi a hu hi. ^h
9 Tua ciangin thumaan thutang le a kilawm
a kituak lampi hoih bang hiam cih na theitel ding hi.
10 Ahang in na lungsim ah pilna hong lut dinga, ⁱ
na hinna in theihna nuam a sa ding hi.
11 Theihkakna in nang hong hu dinga,
theihtelna in nang hong cing ding hi. ^j
12 Pilna in migilote lam pan,
thu lehgen mite pan, ^k
13 lampi tang nusia a,
khuamial lampi a tawnte pan, ^l
14 khialna bawl nuam sate le
gilo-a lehtatna-a lungkimte pan,
15 a lampi uh kawi-a,
a lampi un a lehkhemte panin nang hong honkhia ding hi. ^m
16 Tua in, angkawmnu pan, ⁿ
uklah zi zolsiamna kamte pan,
17 a neulawm nusia a, Pasian ^{▼▼2.17 Ahikeh tuanu Pasian thukhun} mai-a
a thuciam a thusim lo numei panin zong hong honkhia ding hi.
18 Ahang in, tuanu inn in sihna ah hong pi a,
a lampi in misite khate lam zuan hi. ^p
19 Tuanu kianga paite kuamah kileh kik lo-in,
nuntakna lam a tawn kei uh hi.
20 Tua bangin mihoihte lampi na zui dinga,
a thumaante lampi na tawn ding hi.
21 Ahang in, thutangte leitungah teng dinga, ^q
a kawkbaang lote, a teng den ding uh hi;
22 ahi zongin migilote leitung panin kibotkhia dinga, ^r
a muanhuai lote a kibalsat ding hi. ^s